TRAGEDIA.
La iéra la sso vita, e l'è scapada
via da casa insiem a'n milurdin,
srivend su un pezz ad carta spigazzàda:
"An t voi piu ben. A vag pr'al miè destin".
"Bruta busgata, guarda chi ach rubazza
a mì c'ag voi tant ben, cus la m'ha fat,
agh voi con al rasùr taiar la fazza
opur agh cav al cuor e 'l dagh al gat".
A ier, in via dla Giara, al là truvada
brazet con al traton c'la caminava;
als s ghè piantà davanti, al là farmada,
e mentar che l'ambros als la filava,
orb da la rabia, l'ha trat als sso curtèl
vlend, con la rason, far un mazzèl.
Povar dsgrazià! Al n'eva mai pensà
che sempr'a Frara tuti i marciapiè
pr'il biciclett, na pista i era stà;
infati, in cal mument, una, par drè,
adòss ad tuta fuga, ghè rivà,
acsì cl'è vanzà in tèra dstès, cupà.
Fanghet
(Nino Tagliani)
Nessun commento:
Posta un commento