PARCHE' ?
Se a na ragazza in spingùl, in qualch sit,
un puchin pr'aria la stanèla ag va
stè pur sicur c'as ferma lì di vcit
che a nas in su iè tut preocupà
par la paura i dis, c'l' as faga mal
mentar s'as còpa n'om i scrola il spal.
Se in t'un negozi un om al va a cumprar
dsèn d'il cravat opur un fazulèt,
al zzerca in tuti i mod ad fa andar
la cuméssa, se l'è bela, sal scalèt
che lu al tien strich ad sota par al fat
cl'an casca zo zzarcand il sso cravat.
Quand una dona vers la meza età
l'è invitada da n'amiga int'un viglion,
stè pur sicur che par di gli or la sta
davati al spècc par tut gli uperazion
c'ag vol par farass béla ma a suzdrà
che sol l'amiga dop la balarà.
Fanghet
(Nino Tagliani)
Nessun commento:
Posta un commento